Jornada "Vin, Rugbi e Occitan"
Lo dissabte 13 d’agost passat, l’occitan foguèt present long de la manifestacion :
- al matin: la conferéncia de Gui Sié: "L’occitan una lenga per cada moment de la vida." Istorietas per passar lo temps contadas per lo Guiton. A l’entorn de cinquanta personas èran presentas. La conferéncia foguèt interessaanta e fòrça amusanta.
- a la debuta de l’aprèp dinnada, al fogal: la presentacion de " Viva lo Vin " de P. Albarel - Pèça jogada per la Companhiá Coursan Bonne Humeur. I aviá un quarantenat de personas...
- Abans lo sopar, la seccion occitan a cantat tres cançons ambe lo club de l’Ostalet ( los ancians) :" Vinhairon, païsan" de Enric de Villerouge, "Copa Santa", e lo "Se Canta" acompanhat per Cristian Almerge.
- Enfins, a la fin del sopar, la primièra partida del concèrt del grop Test foguèt consacrada a la cançon en la Lenga Nòstra Foguèt una brave jornada que se debanèt de 8 oras del matin duscas a tres oras de la nuèit l’endeman.
Lo Forum de las Associacions de St Andrieu lo 10 de setembre.
De veire sul blòg
Ongan: activitats de la seccion "Occitan"
- Cors d’iniciacion a la lenga: pendent l’annada escolara, cada divendres, Jòrdi d’Olmièras balharà un cors d’iniciacion a la Lenga Nòstra a 7 mainatges de l’escòla del vilatge a comptar del 23 de setembre. Lo cors se debanarà de 12h50 a 13h50 a la MJC de St Andrieu. Condicions: èsser inscrit a la MJC, aver de 7 a 11 ans.
- Las seradas de la seccion ( Meteissas condicions financiaras, ...pas de condicions d’atge!). Coma l’an passat, cada tresen dimècres del mes, rescontre al ser, sala de las comissions a la Comuna ambe los que vòlon se tornar trobar per charrar e partejar d’istòrias del vilatge o de la vida videnta, o encara d’informacions istòricas, literàrias e d’autres sicuts a l’entorn de la Lenga Nòstra. Primièr rendètz-vos : amb una saqueta, se debanarà excepcionalament lo dimecres 28 de setembre a 9 oras del ser, ambe coma sicut: las vendémias. Lo dimècres 16 de novembre, se parlarà de rugbí.
Contact Georges d’Humières